"Andreas Nilsen hytta" barta lea Kárášjoga gielddas, Anárjoga suodjaluvvon álbmotmeahcis. Dálvet sáhtát čuoigat suoma gilis Áŋŋelis Anárjohráigge. Geasset vuovdebiilaluotta mielde badjel Goššjoga šaldi, Basevuovdi bokte ja viidáseappot Anárjoga guora.

• 2 oađđinsaji
• Vuoššab ja liggenvejolašvuođat (muorat) 
• Eai makkárge biergasat
• Čáhci jogas
• Nuvttá 1-2 ija
• Kárta rabas barttaide

Vársaljávrebarta lea saddjás ja hávskes barta Vársaljávrri guoras. Barttas lea feaskkir ja okta stuorra latnja, ja lea ođastuvvon ođđa lásiiguin 2016:s.

Paul Thomassen ja Árthur Våga leaba huksen Vársaljávrebarta 1950-logus boazodoallokommišuvnna ovddas. Barta huksejuvvui seammás go huksejuvvui boazoáidi gaskkal Norgga ja suoma. Barta sirdojuvvui Stáhtii 1992:s ja FeFoi fas 2006:s. 

• 4 oađđinsaji
• Muorraomman
• Vuoššanvejolašvuođat gásain ja muoraiguin
• Geassečáhci Vársaljávrris, sullii 100 m lulabealde barta. Dálvet ferte suddadut muohttaga dahje ohcat rabas jogaid
• Madrassat ja gievnnit
• Nuvttá 1-2 ija
• Kártareferansa (35 W 575880 7684040)
• Kárta rabas barttaide

Statens skogvesen (Stáhta vuovdedoaimmahat) huksii Holmenkoia (Holmenbartta) árrat 1930-logus vuovdedoalu várás. Boazodoallu geavahii maiddái barttaid muhtun áiggiid jagis. 

Ollu geavahuvvon ja guoibmás barta mas lea buorre sadji golmma olbmui. Høvasshytta (Højávrebarta) lea sullii 7,5 km Vagatemas eret, ja deike beasat čuoigga dahje vázzi bálgá ráigge.

Høvasskoia (Højávrebartta) huksii Vaggetem ungdomslag  1982:s olgoddaddama várás. Barta huksejuvvui juste boares vuovdebartta duktasaji gurrii maid vuovdebargit geavahedje. FeFo eaiggáduššá odne bartta.  

Lerkevannskoia (Lerkejávrebarta) lea okta dain barttain maid galledit eanemus. Barta lea lahka Suoma rádjeáiddi. Deike beasat go earránat riikkaluottas 885 Hauge bokte Báhčaveaileagis. Maŋŋil go leat čuvvon vuovdebiilaluotta sullii 2,5 kilomehtera lea vejolaš guođđit biilla Lille spurven gurrii. Dás manná bálggis boazoáiddi verraha čađa (guora bálgá gurutbealde). Rehkenaste sullii 3 diimmu.

Boazodoallokommišuvdna huksii Lerkevannskoia (Lerkejávrabartta) árrat 1970-logus, boazoáiddi huksema oktavuođas gaskal Norgga ja Suoma. Maŋŋil válddii ásahus Statens Skoger (Stáhta vuovddit) (1992)  dan badjelasas ja FeFo eaiggáduššá dan odne. 

Lerkevannskoia (Lerkejávrebarta) lea ođastuvvon olggobealde 2017:s.

Saimikoia lea ovdal adnon orrunsadjin vuovdebargiide, ja das lea barta ja olgofeaskkir. 

Geasset beasat Saimikoiai (Saimibartii) go earránat olgešguvlui Skálžojogas, maŋŋil vuovdebiilaluotta. Doala olgešguvlui ja čuovo dan sullii 5,5 kilomehtera. Maŋŋil 5,5 kilomehtera lea unna biilaguođđensajáš gurut bealde luotta. Biilaguođđensajis lea merkekeahtes bálggis mii lea sullii 700 methtera mii doalvu SaimikoiaI (Saimibartii).

Vuovdebiilaluodda ii leat rabas dálvet, muhto lea vejolaš guođđit biilla Skálžojohkii. Dás čuovut seamma geinnodaga go čuoiggat.

Saimikoia huksejuvvui 1930-40 logus - álggos ceggii ásahus Statens Skoger Vagatamguoikkaid gurrii mii geavahuvvui hirsagolgadanbartan. Birrasiid 1955 sirdojuvvui barta doppe gos odne lea. Ragnvald Erlandsen og Saima Mogo geavaheigga dan olu dalle. Soai čuolaiga muoraid guovllus birra bartta, maid FeFo eaiggáduššá odne.

Vestkoia galledit ollu, báiki lea áibbas Suoma rádjeáiddi lahka. Dáppe leaba sihke Lars Monsen ja Drottnet Sonja fitnan, ja jagis leat ollu tuvravázzit geat fitnet dáppe. 

Dálvet lea vejolaš guođđit biilla Skálžojoga lusa ja vázzit Saimikoia bokte. Dávjá leat luottat vuovdebiilaluotta guoras gitta bartii, go sihke Finnmarksløpet (Finnmárkku beanagilvu) ja Pasvik Trail geavahit dan. 

Paul Thomassen ja Arthur Vågå huksiiga vestkoia 1950 gaskamuttus, Boazodoallokommišuvnna gohččosiin, boazoáiddi huksema oktavuođas gaskal Norgga ja Suoma. Dat ceggejuvvui álgoálggus veahá nuorteliidda, muhto sirdojuvvui doppe gos odne lea árrat 1980-logus. Ásahus Statens Skoger válddii badjalasas bartta 1991:s, ja odne eaiggáduššá FeFo dan.

FeFo eaiggáda Skogvokterhytta ja Brennelv Bygdelag lea lihttoláigoheaddji.

Barta lea rabas birra jagi. Dáppe leat muorat, oađđinsoffá, madrassa ja hivsset. Lagasbirrasis leat merkejuvvon bálgát, dollasajit, goavddit, barttat ja goađit. 

Skogvokterhytta lea Stelletjávri davvinuortabealde Rohčis, Porsáŋggus.

Eretvuodjin E6as guokte kilomehtara lulabealde Iŋŋgášguolbba/Porsangmoen. Čuovo "Beredskapsveien" Hálkkavári luddii stohpojávrri nuorttamus geahčái. Čuovo merkejuvvon bálgá, sulli 2,5 km, bartii. Don fertet joga rasttidit, cokka skuovaid mat jehket čázi 

Kártaposišuvdna: UTM (WGS84) 35 W 430605 7763277

Kárta rabas barttaide
 

Rørkulphytta Rávtošnjárggas lea FeFo, muhto nasjonalparkstyret doaimmaha barta. Barta lea rabas čakčamánus miessemánnui. Váldde oktavuođa nasjonalparkforvalteren jus leat jearaladagat: https://www.nasjonalparkstyre.no/Stabbursdalen/. Oaggunkoarta ja oaggunnjuolggadusat: https://www.stabbursnes.no/forside/.

Rabas barttat