Šiehtadusat ovdánahttit opmodaga mielddisbuktet ahte beassá geavahit dihto areálaid ovdánahttimii siskkobealde eavttuid mat leat regulerenplánas.
Dakkár šiehtadusat gusket eanas viesso- dahje bartaguovlluid ovdánahttimii. Juolludit vuoigatvuođaid juogo vuosttaš ohccái, almmuheami bokte, njuolga juolludemiin dahje eará láhkái.
Jus ii leat mearriduvvon regulerenplána guvlui sáhttá dahkat opšuvdnašiehtadusa vuorddettiin dan. Go regulerenplána lea dohkkehuvvon, sáhttá dahkat šiehtadusa gos aktevra dahje gielda juolludeaba huksensajiid šiehtadusguovllu siskkobealde, ja FeFo fas dahká eanaláigohanšiehtadusa njuolga eanaláigoheddjiiguin.
FeFo:s leat sierra njuolggadusat opšuvdnašiehtadusaide.
Ealáhusaktevrrat, geain lea organisašuvdnanummar, ja gielddat sáhttet váldit oktavuođa minguin oažžut eambbo dieđuid. E-poasta: post@fefo.no