Dán láhkái lea Alimusriekti cealkán ahte Finnmárkkuláhka goziha stáhta álbmotvuoigatvuođalaš geatnegasvuođaid sámi álbmoga ektui Finnmárkkus eanavuoigatvuođaid hárrái.

FeFo:i mearkkaša dat ahte mii galgat joatkit eananhálddašeami Finnmárkku álbmoga ovddas nugo mii leat dahkan dássážii, maiddái Kárášjogas. Seammás áigut mii Kárášjogas ja muđui Finnmárkkus joatkit ovddidit báikkálaš olbmuid searvama daid nana báikkálaš geavahanvuoigatvuođaid hálddašeapmái mat leat FeFo eatnamiin.

Dasto lea dehálaš muitit ahte kárten maid Finnmárkokommišuvdna lágidii ja meannudeapmi duopmostuoluin ii leat leamaš dušši, vaikke vel FeFo lea vuoitán ášši. Ođđa ja dehálaš diehtu Kárášjoga historjjálaš dilálašvuođaid birra lea boahtán ovdan, ja Alimusriekti lea dáinna duomuin váikkuhan boahttevaš kártenbargguide.

Mii háliidit loahpas giitit Máhkarávju siidda go lea leamaš oasálašveahkkin FeFoi dán áššis.   Dát lea mearkkašan midjiide hui ollu. Mii háliidit dattetge deattuhit ahte Máhkarávju siida válljii leat FeFo oasálašveahkki danne go sii oaivvildit ahte lea ovdamunnin boazodollui ahte lea okta eanaeaiggát olles sin doaibmaguovllus Sis-Finnmárkkus gitta Finnmárkku rittu rádjai.

Eambbo dieđuid ealggabivddu birra gávnnat dáppe.