Dá leat ávkkálaš dieđut buot ealgabivdiide Finnmárkkuopmodagas.
Lasihit báhčingeahččaleami
Dál lea gearggus lasihit báhčingeaččalemiid. Logge sisa storviltportalen.no:ii vai beasat lasihit báhčingeahččaleami. Váldde gova báhčingeahččaleamis ja lasit dan gova. Jus dus lea "Mu bivdodokumentašuvdna" áppa, de sáhtát viežžat šearbmagova báhčiniskosis telefovnnas. Govas galgá boahtit ovdan ahte lea ceavzán báhčiniskosa. Bivdojođiheaddji sáhttá viežžat báhčiniskosiid buohkaide iežas bivdojoavkkus, ja dábálaš bivdit fas sáhttet viežžat dušše iežaset báhčiniskosa.
It sáhte dan olahit? Sádde báhčingeahččaleami(id) e-poastta bokte čujuhussii elg@fefo.no.
Buot bivdit fertejit duođaštit ahte leat ceavzán báhčingeahččaleami ovdal
- borgemánu 25. beaivvi, buohkat geat bivdet Kárášjogas ja Guovdageainnus go ealgabivdu álga čakčamánu 1. beaivvi.
- čakčamánu 15. beaivvi buohkaide geain álga bivdináigi čakčamánu 25. beaivvi.
Jus báhčingeahččaleami duođaštusat eai boađe ovdal áigemeari, de heaittihuvvo guoskevaš bivdi dahje olles bivdojoavkku soahpamuš, jus leat báhcán unnit go njeallje lohkkojuvvon miellahtu soahpamuša álgoohcamušas.
Go mii dađi bahábut eat leat ožžon lobi laktit iežamet Birasdirektoráhta registarii, de ferte duođaštus báhčinbohtosa birra ain sáddejuvvot ieš.
Vuođđohatti rehket
Dábálaččat sáddet mii rehkega vuođđohattis buori áiggis ovdal bivddu. Jagi maŋŋoneami geažil leat mii mearridan vuordit vuođđohatti faktueremiin gitta maŋŋá bivddu. Vuođđohatti rehket ii sáddejuvvo ovdal go bivdu álggahuvvo. Dán jagi loahpparehkegis boahtá ovdan sihke báhččon elliid biergohaddi, ja vejolaš vuođđohaddi vuođđoearis elliide mat eai leat goddojuvvon.
Šiehtadusa vuolláičállin váilu
Ođas dán jagis lea ahte buot bivdojoavkku miellahtut galget vuolláičállit ealgakontrávtta Poastta digitála vuolláičállinčovdosa bokte. Jos it oaččo vuolláičállaga digitálalaččat, de fertet čállit vuolláičállaga báberhámis. Siđa soames iežat bivdosearvvis prenttet soahpamuša, dahje váldde oktavuođa minguin vai oaččut dan. Prentte šiehtadusa, čále vuollái ja máhcahat midjiide vuolláičállojuvvon šiehtadusa. Don ieš válljet áiggut go skánnet dahje govvet vuolláičállon soahpamuša ja sáddet dan e-poastta bokte čujuhussii elg@fefo.no, sáddet poasttas dahje doalvut ovtta min kántuvrraide.
Storvilt áppá ođasmahttin
Ođđa uskkádaga oktavuođas boahtá ođasmahttojuvvon Storvilt mobiláppa veršuvdna. Juste ovdal go bivdu álggahuvvo, de ávžžuhat du váldit eret boares prográmma ja vieččat dan ođđasit, nu ahte oaččut ođđaseamos veršuvnna mii lea gávdnamis mobiltelefovnnas.
Artihkalgovva: Kjell Erik Moseid.