Áigemearri almmuheapmái, ohcamii ja ealgabivddu geassimii maŋiduvvui go vurddimet Kárášjoga duomu Alimusrievttis. Dasa lassin leat ođasmahttán Storviltportála ja Storvilt-áppa. Goappašagat dagahit maŋŋoneami. Dás čuvvot guoskevaš dieđut buohkaide geat Finnmárkkus čakčat áigot ealgabivdui.  

Buot bivdojoavkkut mat leat ožžon ealgabivddu dábálaš vuorbádemiin galget dál leat ožžon fálaldaga. Fálaldat dohkkehuvvo dahje hilgojuvvo Storviltportalen bokte. Ođas dán jagi lea ahte buot bivdojoavkku miellahtut 

• Galget vuolláičállit šiehtadusa Poastta digitála vuolláičállinčovdosa bokte. E-poasta boahtá Statskog SFas go mii geavahit sin vuolláičállinčovdosa.
• Sáhttet logget sisa Storviltportálii bankID:in  

Storviltportálas oainnát eari mii lea juolluduvvon ja du bivdojoavkku. Portálas gávnnat maiddái soahpamuša, dasa gulli soahpamušdokumeanttaid ja kárttaid.  

Luomu geažil lea mis unnit kapasitehta suoidnemánus. Leat go dus gažaldagat? Sádde dan deike: elg@fefo.no.  

Báhčingeahččaleamit

Don fertet ain vurket duođaštusa das ahte leat ceavzán báhčingeahččaleami, go mii dađi bahábut eat leat ožžon lobi čatnat iežamet Birasdirektoráhta registarii.  

Vurkenvejolašvuohta lea ain ovddiduvvomin, muhto borgemánu rájes galggat sáhttit viežžat duođaštusa ahte leat ceavzán báhčingeahččaleami sihke dutnje ja du bivdojoavkku miellahtuide Storviltportalenis.  Jus dus lea báhčin "Mu bivdoduođaštus" áppas, de sáhtát viežžat šearbmagova báhčingeahččaleamis- mas čuožžu báhčinbeaivi - telefovnnas. 
 
Buot bivdit fertejit duođaštit ahte leat ceavzán báhčingeahččaleami ovdal 

• borgemánu 25. b. jus áiggut bivdit Kárášjogas ja Guovdageainnus, doppe álgá bivdu čakčamánu 1. beaivvi. 
• čakčamánu 15. b. ealgabivdiide geat álget bivdit čakčamánu 25. b.

Seamma áigemearit gustojit bivdodivada máksimii. Jus bivdodivat ja/dahje báhčingeahččaleapmi boađe áigemearrái, de heaittihuvvo guoskevaš bivdi(ide) bivdišiehtadus, dahje olles bivdojoavku jus leat báhcán unnit go njeallje lohkkojuvvon miellahtu soahpamuša álgoohcamušas. 

Vuođđohatti rehket 

Luomu geažil sáddejuvvo vuođđohatti rehket borgemánus. Bivdojođiheaddji oažžu dieđu SMS ja e-poastta bokte go rehket lea sáddejuvvon.

Heahtegádjunlistu 

Dábálaš geassima vuođul leat vihtta bivdofálaldaga rabas: 

• Gulgo 2. áigodat Bearalvágis 
• Čorotoaivi(*) Kárášjogas
• Veidnes nord(*) Davvesiiddas
• Korsnes(*) Davvesiiddas
• Skoarrojohka(*) Unjárggas

Sáhttet šaddat eanet rabas bivdoguovllut jus muhtumat gieldet addon fálaldaga. Mii juohkit rabas fálaldagaid sullii borgemánu 10. beaivvi.  

Áppa

Ođđa uskkádaga oktavuođas almmuhuvvo ođasmahttojuvvon Storvilt-telefovdnaáppa. Vuosttaš almmuhanbeaivi lea borgemánu 20. beaivi. Go ođasmahtton áppa lea almmuhuvvon, de mii rávvet du váldit eret boares áppa ja viežžat dan ođđasit.  

Bivdoguovlluid kárta

Mii leat bargame bidjat sadjái ođasmahttojuvvon, digitála kárttaid sihke Storviltportalenis ja min ruovttusiidduin. Digitála kárttas galgá leat vejolaš viežžat GPX-fiilla ja čálihit dan. Gárvves, čálihahtti PDF-kárttaid buot ealgabivdoguovlluid várás gávnnat fefo.no.  

Luomu geažil lea mis unnit kapasitehta suoidnemánus. Leat go dus gažaldagat? Sádde dan deike: elg@fefo.no.