Geahča 2024 ealgabivddu vuorbádanlisttu (vuorbádanortnetvuoru mielde) (PDF, 336 kB)
Geahča bivdoguovlluid ja bivdojoavkkuid suohkaniid mielde (PDF, 337 kB)
Personsuodjalusa dihte almmuhuvvojit dušše daid bivdojođiheddjiid namat geat leat ožžon bivdoguovllu. Bivodjođiheaddjit geat leat várrelisttus ožžot sin nummára epoasttas.
Bearjadaga geassemánu 14 b. leat ealgabivdit gealaldagas čuvvon vuorbádandoaluid miehtá Finnmárkku. Beassá go bivdit vai ii? Ja makkár guovllus?
- Oallugiidda lea ealgabivdu jagi stuorámus dáhpáhus. Daid vuordámušaid mat leat vuosttaš bivdobeaivái ođđa bivdinguovllus ii sáhte čilget, daid ferte vásihit, lohká FeFo meahcceossodaga jođiheaddji Einar J. Asbjørnsen.
Dán jagáš ealgavuorbádeapmi
Vuorbádeami maŋŋel fállojuvvo 309 bivdojovkui bivdoguovlu. 126:s sis leat ožžon dan maid sávve vuosttažin dahje nubbin. Jus dasa lassin lohká dan maid sávve goalmmádin ja njealjádin, de leat 169 joavkku mat leat hui duhtavaččat.
112 ohcciidjoavkku šaddet várrelistui. Dat leat 18 unnit go diibmá. Logi jagi áigi lei várrelistu guhkit go goassege ovdal, dalle ledje olles 216 bivdojoavkku várrelisttus vuorbádeami maŋŋel.
Otne leat vihtta bivdofálaldaga rabas:
- Gulgo 2. áigodat Bearalvágis,
- Čorotoaivi(*) Kárášjogas
- Veidnes nord(*) Davvesiiddas
- Korsnes(*) Davvesiiddas
- Skoarrojohka(*) Unjárggas
Buot ledje násteguovllut. Rabas bivdofálaldagat fállojuvvojit bivdojoavkkuideliigejuolludanlisttus geassinummira mielde, ja ii ge váldde vuhtii bivdojoavkku stáhtusa siskkobealde dahje olggobealde gili joavkun. Bivdojoavkkuin mat leat bajemusas várrelisttus leat buorit vejolašvuođat oažžut bivdoguovlluid mat eai leat vuos juolluduvvon, dahje maid eará bivdojoavkkut eai váldde vuostá. Borgemánu loahpas fállojuvvot rabas bivdoguovllut bivdojoavkkuide várrelisttus.
Olggossádden ja vuolláičállin
Bivdofálaldagat sáddejuvvojit dađistaga 25. vahku rájes. Bivdojođiheaddji oažžu dieđu go bivdofálaldat lea sáddejuvvon. Ođas dán jagi lea ahte buot bivdit bivdosearvvis galget digitálalaččat vuolláičállit šiehtadusa.
Dan jagaš ealgabivdoohcamušat
314 bivdo fálaldaga ledje almmuhuvvan. Dasa lassin bohtet dat guokte bivdoguovllu, mat leat várrejuvvon oahpahanbivdui.
421 ohcanjoavkku devde ohcaneavttuid. Dat lea 13 unnit ohcamuša go diibmá, ja ollu unnit go moadde jagi dás ovdal (488 ohcamuša 2013:s).
2187 bivdi leat registrerejuvvon ohcanjoavkkuide. Dát leat 83 unnit bivdi go diibmá.
Gaskamearálaččat leat 5,2 ealgabivdi juohke ohcanjoavkkus. Gaskamearálaččat leat leamaš badjel vihtta bivdi maŋemus jagiid. Buohtastahttimiin, de ledje gaskamearálaččat "dušše" 4,6 bivdi 2013:s.
14 proseanta bivdiin leat nissonat.
Ovtta ohccijoavkkus ledje 138 vuoruhemiid ohcamušas, muhto muhtun joavkkut ohce dušše njealji guovlluin.
Bivdoguovlu masa eanemus searvvit ohce, lea Lákšjohka Deanus gos bohte 155 ohcamuša. Eará bivnnuhis guovllut ledje:
- Sirmá i Deanus ledje 152 ohcamuša
- Gollevárri Deanus leadje 150 ohcamuša
- Luovttejohka Deanus leadje 140 ohcamuša
- Čáhppesjohka Kárášjogas leadje 137 ohcamuša
- Šuvvanvárri Porsáŋggus ledje 135 ohcamušar
Dasto čuvvot Deanu guovllut Skiippagurra, Rustefjelbma ja Petterlund, gos leat 137, 136 ja 134 ohcamuša.
Geahča 2024 ealgabivddu vuorbádanlisttu (vuorbádanortnetvuoru mielde) (PDF, 336 kB)
Geahča bivdoguovlluid ja bivdojoavkkuid suohkaniid mielde (PDF, 337 kB)
Govven: Lars Krempig.