Mii leat dahkan šiehtadusaid Mátta-Várjjat JFF:in, Várggáid guolástus- ja bivdoservviin, Bearalvági JFF:in ja Gilivuona JFF:in guolástusbearráigeahččama birra. Bearráigeahčču lea FeFo eatnamiin anadroma čázádagain mat eai leat lihttoláigohuvvon, muhto leat rahppon bivdimii.
Mis leat juo lihttoláigošiehtadusat servviiguin eará čázádagain, ja sii dovdet bures bearráigeahččanbargguid. Dát lea vuosttažettiin 2024 geahččalanprošeakta. Mis leat vuordámušat ovttasbargui.
Šiehtadus guoská FeFo-eatnamiid guolástusbearráigehččui čuovvovaš čázádagain:
- Braselva/Guolleveaijohka
- Haukelva/Fállejohka
- Austerelva/Ovsttarjohka
- Molvikvassdraget/Stuorrajohka
- Blåfjellvassdraget
Guolástankoarttaid čážádagaide oasttat Natureitas.