Áigemearri ohcat ealgabivddu lea dievvan, ja mii leat ožžon 426 ohcama daid 317 fálaldagaide mat almmuhuvvojedje. Dát lea 5 eambbo ohcama go diibmá.
Báikkálaš vuorbádeamit Finnmárkkus
Vuorbádanbeaivi nu go dábálaččat Finnmárkus. Čuovo du báikkalaš bivdosearvvi.
Geat ožžot bivdit almmuhuvvo bearjadaga cuoŋumánu 25. beaivve:
- Diibmu 18.00 rájes almmuhit báikkálaš lágideaddjit iežaset suohkana bivdoservviid vuorbádanbohtosa.
- Diibmu 19.00 rájes almmuhit bivdoservviid vuorbádanbohtosa suohkana olggobealde.
- 21.00 rájes almmuhit mii vuorbádanlisttu min ruovttusiiddus.
Persovdnagáhttema dihtii almmuhuvvojit dušše daid bivdojođiheddjiid namat, geat leat ožžon bivdoguovllu. Bivdojođiheaddjit geat leat liigejuolludanlisttus ožžot e-boasta mas leat dieđut iežaset saji birra liigejuolludanlisttus.
Olggossádden ja vuolláičállin
Bivdofálaldagat sáddejuvvojit miessemánus. Bivdojođiheaddji oažžu dieđu go bivdofálaldat lea sáddejuvvon. Dán jagi maid galget buot bivdit bivdosearvvis digitálalaččat vuolláičállit šiehtadusa.
Dán jagáš ealgabivdoohcamat
317 bivdo fálaldaga ledje almmuhuvvan, 3 eambbo go diibmá. Dasa lassin bohtet dat guokte bivdoguovllu, mat leat várrejuvvon oahpahanbivdui.
426 bivdojoavkku leat ohccan. Dat lea 5 eambbo go diibmá, ja ollu unnit go moadde jagi dás ovdal (488 ohcamuša 2013:s).
2204 bivdi leat registrerejuvvon ohcanjoavkkuide. Dát leat 17 eambbo go diibmá.
Gaskamearálaččat leat 5,1 ealgabivdi juohke ohcanjoavkkus. Gaskamearálaččat leat leamaš badjel vihtta bivdi bivdojoavvkus maŋemus jagiid. Buohtastahttimiin, de ledje gaskamearálaččat "dušše" 4,6 bivdi 2013:s.
Ovtta ohccijoavkkus ledje 150 vuoruheamit ohcamušas, ja guokte joavkku ohce dušše ovtta guovllus.
Bivdoguovlu masa eanemus searvvit ohce, lea Levsse Deanus gos bohte 166 ohcamuša. Eará bivnnuhis guovllut ledje:
- Nurki Deanus ledje 162 ohcamuša.
- Sávkadas Kárášjogas leadje 160 ohcamuša.
- Čáhppesjohka Kárášjogas leadje 156 ohcamuša.
- Buljjošvuopmi Deanus ledje 153 ohcamušar.
Dasto čuvvot Deanu guovllut Bokcá, Borsi ja Áitejohaka, gos leat 148, 145 ja 143 ohcamuša.
Govven: Lars Krempig.