Leavnnjajogas ja máŋga lihttoláigo luossajogain rahpet guollebivddu gaskaija lávvardaga geassemánu 1. beaivvi. Guollebivdináigodat mearkkaša álggu miellagiddevaš geassái mas leat ollu vejolašvuođat bivdit niehkoluosa.
Bivdokoartta FeFo eatnamiin Leavnnjajogas sihke Finnmárkkus ássiide ja mátkkošteaddji bivdiide gávnnat NatureIT neahttasiiddus. Porsáŋggu gieldda ássit sáhttet oastit áigodatkoartta vaikko goas.
Mánáid- ja nuoraidbeaivi Leavnnjajogas
Duorastaga suoidnemánu 25.b. dii. 12 bovdet mii buot mánáid ja nuoraid vuollel 16 jagi vásihit gelddolaš luossabivddu ja návddašit grillabiebmu johkagáttis. Leavnnja bivdo- ja guolástansearvi ja FeFo oahpahit sihkkarvuođa birra johkagáttiin, ja mo sáhtát oažžut luosa gáddái.
Buoridan dihtii nuoraide bivddu, ráfáidahttojuvvo 1. avádat sihke jándorkoartaguolásteddjiide ja áigodatkoartaguolásteddjiide suoidnemánu 24. beaivvi dii. 18 rájes suoidnemánu 25.beaivvi dii. 18 rádjái.
Dieđut mánáid- ja nuoraidbeaivvi birra bohtet lagabui dán beaivvi.
Bivdonjuolggadusat ja bearráigeahčču
Ođas dán áigodagas leat rievdadusat FeFo-eatnamiid bivdonjuolggadusain Leavnnjajogas, muitte lohkat ođđa njuolggadusaid.
Bearráigeahčču nannejuvvo 2024 áigodaga ektui. Mii leat virgádan olbma gii galgá Leavnnjajoga bearráigeahččat geasi. Mii sávvat ahte dán jagi bivdit váldet su vuostá seamma bures go diibmá!
Buorre bivdu!