Go geahččá ollislaččat, de lea leamaš buorre jahki go buohtastahttá vástideaddji leavttuiguin maŋimuš 20 jagi. Logut čájehit bures rávis lottiid eanaš guovlluin Finnmárkkus iešguđetlágán buvttademiin. Buvttadeamis leat stuorra erohusat maiddái báikkálaččat, ja ollu guovlluin lea buvttadeapmi heittot. Oppalaččat lea buoret buvttadeapmi miehtá rittu go siseatnamis.
Borgemánu 27. b. doalai FeFo čoahkkima NSJFF Finnmárkuin, Boarri ja Oarje-Finnmárkku loddebeanaservviin. Dán jagáš earit geahpeduvvojit takserenbohtosa vuođul ovddit áigodaga ektui. Čuovvovaš muddemat mearriduvvojedje Finnmárkkuopmodahkii:
Earit
- Buot bivdiid beaiveearri lea 4 rievssaha ja meahčccelotti. Beaiveearis sáhttá leat lotti. Čuovvovaš spiehkastat gusto: Bivdoguovlluin SVA9, SVA10, SVA11 ja SVA12 lea beaiveearri 1 rievssat ja 1 meahcceloddi.
- Finnmárkku ássiid oppalaš áigodatearri lea 40 rievssaha ja meahccelotti. Áigodateriin sáhttet 3 meahccelotti, ja 2 dain sáhttet leat goahppil.
- Mátkkosteaddji bivdiid áigodatearri lea 20 rievssaha ja vuovdelotti, áigodatearis sáhttá leat 1 vuovdeloddi.
Mearrádusat
- Sállanis, Gádde-Iččáin, Iččáin, Jealmmeseadjus/Ruotnjárggas ja Muosáin lea oaniduvvon rievssatbivdináigi: čakčamánu 10. beaivve - juovlamánu 23. beaivve.
- Fávle-Iččat: Bivdogielddus FeFo-eatnamiin Fávle-Iččatgis gaskkal dii. 08:00 - 17:00 borgemánu 21. beaivi gitta borgemánu 31. beaivvi rádjai.
- Fávla-Iččatgis ja Láhppi sullos gusto lohkoráddjehus maiddái Finnmárkku ássiide.
- Meahcceloddi lea ráfáidahtton Álttá ja Porsáŋggu gielddain.
- Bivdu ii galgga čađahuvvot lagabus go 300 mehtera iežas parkeren fievrruin meahccebiilageainnuid guora bievlavuovdeguovlluin Kárášjogas ja Mátta-Várjjagis.
- Ollu guovlluin leat olu rávis lottit, muhto heajos buvttadeapmi. Rávis lottiin lea veaháš buoret birgenvejolašvuohta go jahkečivggain, ja go stivre bivdit stuorát gottiid ovdalii go ovttaskas lottiid dahje páraid, de lassánit vejolašvuođat bivdit jahkečivggaid ja bivdit leat mielde hálddašeame luonddu, lohká FeFo meahcceossodaga jođiheaddji Einar J. Asbjørnsen kommentáras.
Ráddjejuvvon bivdokoarttat mátkkošteddjiide biddjojuvvojedje vuovdemassii borgemánu 1. beaivvi. Eanet bivdokoarttat leat olámuttus borgemánu 30. beaivvi dii. 10 rájis. Árvvoštallamis váldojuvvo vuhtii máddodat, bivdodeaddu, bivdoearit ja boazodoallu.
Koarttavuovdinportála ođasmahttima oktavuođas ii leat šat vejolaš oastit dahje aktiviseret bivdokoartta borgemánu 29. beaivve rájes dii. 12.00 gitta borgemánu 30. beaivve dii. 17.00 rádjai.
FeFo deaivvada servviiguin fas golggotmánu 15. beaivvi. Dalle geahčadit bivdostatistihkaid dán rádjai áigodagas ja árvvoštallat muddemiid.
Rievssatbivdu 2024 Finnmárkkuopmodagas
Artihkkalgovva: Øyvind Zahl Arntzen